排熊仔

玩左一輪較剪之後，媽咪攞左之前買嘅熊仔數學教材出黎同Ambrose玩，媽咪抽左一張係唔同顏色將熊仔由細到大排番出黎，開頭Ambrose都係配對顏色就咁擺，無分大細，經過一輪講解同示範，Ambrose明白係點樣，都開始分顏色跟大細放，不過因為佢唔係一行排完到一行，佢係random咁擺，所以有時放上一行嘅時候，又會唔小心整歪左下面已排好嘅熊仔，佢自己見到都忍唔住要執番正佢，哈哈！再抽左1-5嘅熊仔排序出黎同Ambrose玩，雖然佢無跟住張咭用指定顏色同大細嘅熊仔排序，但佢都能夠排啱1-5嘅熊仔，算係咁啦！