N班上學第六天

2011年9月8日，今日Ambrose入學校都係喊，不過據說佢開始對著校服無之前咁強烈反抗，應該都叫進步左！今日嫲嫲送Ambrose返學成個鐘之後收到老師電話，叫佢可以入去課室門口“莊”吓Ambrose，因為老師話佢已經平定左，無喊喎！老師真係好醒喎，無打俾媽咪同爹爹，直接就打俾嫲嫲，媽咪同爹爹都好奇怪，哈哈！嫲嫲話入到去見到Ambrose真係無喊，同小朋友圍圈坐定定聽老師講書，媽咪知道真係安心左好多，不過放學又係喊住出黎！明天係生日會暨提燈會，唔使著校服，媽咪預期Ambrose應該會幾開心，有得唱生日歌，又有得玩燈籠，希望佢開完生日會，會開心d返學啦！