又係手工書

今日午飯時行左去灣仔十蚊店行吓，一心諗住睇吓有無d咩玩具又或者材料可以brainstorm吓自製玩具整俾Ambrose玩，點知俾我見到呢d手工書，真係超抵，十蚊本！左手邊三本係fun painting, drawing & doodling book，日文同英文對照，好易明！中間兩本係教用廢物做手工，只有日文，不過圖畫好清楚，唔明d字都估到點整嘅！右上角果本係剪紙書，呢本其實係好耐之前樓下十蚊店買到嘅，而右下角果本其實係一本可重複畫寫嘅drawing book，內頁係有圖案過左膠嘅質地，用白板筆畫，畫完可抺乾淨，幾好！全部紙質都好好，公仔又得意，又唔係一本得幾頁咁行貨喎，十蚊本，邊度搵？！而家屋企堆左好多手工書呀！哈哈！