泡泡槍

趁Ambrose瞓左，媽咪自己一個人出去行一陣，今日買左呢枝泡泡槍俾Ambrose，佢一定好興奮，哈哈！其實之前已經响反斗城買過一枝俾佢玩，只係果枝實在係一枝大槍，Ambrose要用哂兩隻手去撳先得，媽咪覺得有d危險，因為Ambrose一般都會揸住枝槍跑，如果兩隻手揸槍，平衡好似弱d，跑起上黎唔多穩陣。因為枝槍係連埋枝泡泡水一齊，唔使另外點泡泡水，所以成枝槍變得好重，亦有前重後輕嘅情況，見Ambrose要平衡枝槍同埋撳得好辛苦，又見佢成日攞人地嘅泡泡槍玩到唔放手，媽咪決定買多枝俾佢啦！呢枝望落好似好大舊咁，唔知又會唔會大得濟，不過媽咪見個製都幾易撳，而且要用碟點泡泡水先吹到，真係比較輕，Ambrose應該無問題掛，加上呢把槍係媽咪見過唯一一把有六個孔出泡泡，一般都係最多四個，媽咪自己都好想買黎玩呀！所以話就話買俾Ambrose，其實媽咪自己都好想試玩，哈哈！以後有兩枝泡泡槍，唔使同Ambrose爭玩啦！