N班上學第三天

2011年9月5日，雅雯病左要請假，今日Ambrose要自己返學，上車時都有搵雅雯同Wing姨姨，可能佢覺得返學一定有佢地一齊啦！原本今日爹爹返夜唔同Ambrose返學，不過驚嫲嫲放工返黎湊Ambrose返學會好難截的士，所以爹爹捱住眼瞓都要開車送嫲嫲同Ambrose返學！今日Ambrose未到學校門口，只係架車去到停車場，落左車行去loading bay附近搭lift上去學校，佢已經叫住唔返學，勁喊喇！當然又係擾攘一番先俾老師抱入去啦！  

放學時嫲嫲姑姐同表姐一齊去接Ambrose，雖然Ambrose都叫喊住出黎，不過媽咪睇番姑姐拍嘅短片，Ambrose都唔係喊得好利害，放學見到親人係好d嘅！