2011年9月26日，今日媽咪又可以湊Ambrose返放學！今日Ambrose又係去到門口扭計要走，爹爹快快手拖佢入去俾老師接手即刻閃開，以防佢唔捨得又扭計。不過媽咪少送佢返學，好想睇住佢，所以就行番轉頭望佢，只見有個老師蹲低身同佢講緊野未行入去，媽咪有少少奇怪。Wing姨姨話Ambrose擰番轉頭搵爹爹媽咪想講拜拜，但我地行開左，見Ambrose未行入去，媽咪即時叫番爹爹去門口，咁啱呢個時候Ambrose同老師講完野抬起頭望出黎，今次佢見到爹爹媽咪喇，可以講拜拜喇！就係咁，Ambrose歷史性第一次返學無喊，同完爹爹媽咪講拜拜就乖乖拖住老師入課室，好叻仔！
至於放學，似乎唔係太大問題喇，見佢都乖乖無喊排住隊出黎，Good Boy！！！
今日學校張貼左之前生日會暨提燈會嘅相出黎俾家長選曬返，發現隔離班有影到好多單人大頭相，好靚，而Ambrose只有一張係同其他兩個同學仔呆坐响度，其他嘅已經係group photo，真係好失望，希望下次再有相曬時會見到佢開心返學樣啦！
沒有留言:
張貼留言