搥釘

今日同Ambrose玩搥釘，想訓練佢手眼協調，之前見佢响宜家都已經係咁搥，重要攞埋人地個搥走，連爹爹媽咪都唔知佢攞左，真係好笑！見有個搥，咁媽咪就去左買包膠釘，一個發泡膠，今日就攞出黎同Ambrose玩。Ambrose一見到有新野玩又係發狂要玩，不過都要等媽咪示範一下先！首先攞住粒釘再用搥打落發泡膠度，固定左之後就可鬆手揸實發泡膠搥打粒膠釘。Ambrose開頭 一兩 粒都有板有眼，不過後來佢發現左粒膠釘係可以大力少少篤落發泡膠度定位，所以佢偷懶，一次過攞左幾粒出黎篤落去先，再一次過搥打，哈哈！Ambrose落力搥，不過就唔太識就方向角度，有幾粒釘佢都搥歪左，唔係平，而且可能我地用木搥在木檯上係咁搥，好大聲，Ambrose搥搥吓自己忍唔住伸手去自己個嘴度“shi”，要細聲d喎，笑死媽咪！