手工用品

今日又去“貢”吓十蚊店，估唔到又有收獲！今次係剪紙書，其實之前响屋企樓下買到一本之後都無再見過，估唔到灣仔十蚊店真係比較多，似乎返貨都比較密！呢個系列剪紙書一套四本，上次買左一本，今次只有兩本，尚欠一本就齊哂！媽咪見呢d手工書都唔係成日有貨，有貨又好快賣哂，所以系列中最簡易果本買多左一本，等Ambrose再大d，開始同佢一齊剪野時，可以一齊剪，到佢熟左之後，佢可以自己剪，唔使同媽咪一齊喇！

另外，買左一包摺船手工，呢期Ambrose勁鍾意車仔船仔，見呢set野摺出黎好靚，一包有四隻立體船，都係十蚊，好抵，忍唔住買一包！不過要等Ambrose再大少少先摺俾佢玩，唔係今日摺完聽日又分屍，浪費哂！

再買左一包畫筆，畫筆d毛好順，十蚊五枝响邊度搵？！之前買俾Ambrose嘅畫筆係原木筆身，經過好多次沖洗之後木身都略為粗糙，怕有木刺整到手，加上用左幾個月殘哂，表姨媽响美國買果d畫筆又未到，係時候同Ambrose換過d畫筆，十蚊五枝頂住先，超值！