N班上學第八天

2011年9月14日，今日Ambrose返學放學都有喊，不過老師同媽咪講Ambrose入到課室全程無喊，而且老師對佢提問佢都有反應，有回答！媽咪覺得好出奇，老師重話今日轉課室無問題，全程唔喊！媽咪都聽得出老師話Ambrose唔喊嘅語氣都好開心興奮咁，真係令人鼓舞！媽咪諗住八掛問吓老師，Ambrose唔喊，咁有無笑呀？因為Ambrose一般都係會發呆，唔知諗咩，點知老師話有喎，佢有笑呀，出去玩車時笑呀！媽咪既開心又驚訝，今日發生咩事呢？假期後第一日返學，媽咪預左Ambrose又要重新適應，點知反而好順利，當然一出一入學校果d喊，媽咪唔會預佢咁快overcome到架喇！上堂唔喊已經好心足！  

今日唔知係咪無喊嘅關係，Ambrose可能集中d，返到屋企竟然主動講到Miss Anne（另一位班主任）個名！真係感動呀！