戒夜片

Ambrose平日响屋企好多時侯都已經無幫佢著片，就咁著底褲仔，佢要去vivi時會出聲，好少會唔出聲瀨左又或者出聲時已濕左，可以算係幾準確架喇，不過媽咪同佢出街都未係好敢唔著片，驚佢無啦啦出聲去vivi又無廁所唔知點算。到目前為止，媽咪都無諗過戒夜片問題，因為戒日片都未全面展開。今朝早，媽咪起身，Ambrose又一齊起身，佢無啦啦同媽咪講要vivi，雖然佢有片可以vi落去，但媽咪見佢自己開聲要vivi，一定唔會唔理佢，照同佢除片用potty。點知一除片時，媽咪發現佢條片係乾架，再諗起之前臨瞓，佢又係有片都同我地講vivi，瞓左落床都要同佢起身vivi，由呢d情形睇黎，可能Ambrose有跡象控制到vivi，似乎可以諗吓戒夜片喎！