Hand Art

好耐之前見尖沙咀反斗城有Chicken Socks嘅書做清貨，一本都係幾十蚊，不過媽咪見唔多選擇又有少少殘舊，唔多知價嘅媽咪無買到。之後响其他媽咪嘅blog見到呢個系列嘅手工書，其中Hand Art就好吸引媽咪，因為Ambrose好鍾意要爹爹媽咪畫手畫腳，無論係佢對手腳定爹爹媽咪嘅手腳，都一樣成日叫住要畫。媽咪見到呢本Hand Art真係唔錯，畫完手之後加d唔同嘅野可以變成唔同動物，一對手就已經有好多畫法，媽咪呢d咁無創意嘅人一定諗唔到，呢本書真係好有趣，一定啱Ambrose！之但係媽咪再想去買時已經無哂特價又無呢本書，連埋搵埋隔離嘅Book Buddies都唔見有，都諗住買唔到架喇！

今年七月去書展時就見到有一間賣Chicken Socks嘅書，不過本本書都無標價，媽咪要逐本攞去問價錢，其中心儀嘅Hand Art竟然賣成$139，真係太貴喇！所以媽咪又放棄左！

今日出左尖沙咀，竟然俾媽咪見到有Hand Art呢本書，重要係好新淨有幾本可以選擇，望吓個價錢，$99.9，一百都唔使，重平過書展價，抵呀！唔過一百媽咪當然即刻買啦！終於買到心頭好喇！本書重連埋crayons同少少手工物料，真係好方便，媽咪唔使花時間諗有咩好手工題材喇！哈哈！